လူတိုင်းချစ်ကြတဲ့ အသက်ကြီးပိုင်း ခွေးလိမ္မာလေး ချာလီ (Charlie) ဟာ တစ်နေ့မှာတော့ ဂြိုဟ်သားတွေရဲ့ ဖမ်းဆီးခေါ်ဆောင်ခြင်းကို ခံလိုက်ရပါတယ်။ ဒါပေမဲ့ သူပြန်လည်ရောက်ရှိလာတဲ့အခါမှာတော့ အရင်ကနဲ့မတူဘဲ အံ့အားသင့်ဖွယ် စွမ်းအားရှင်ခွေးကြီးတစ်ကောင်အဖြစ် ပြောင်းလဲသွားပါတယ်။ ချာလီဟာ စကားပြောနိုင်လာရုံတင်မကဘဲ တစ်ကမ္ဘာလုံးက စိတ်ဝင်စားရတဲ့ "စွမ်းအားရှင်ခွေး" အဖြစ် ကျော်ကြားလာခဲ့ပါတယ်။ ချာလီရဲ့ သခင်လေး ဒန်နီ (Danny) ဟာလည်း သူ့ရဲ့ခွေးလေး ပြန်ရောက်လာလို ဝမ်းသာနေချိန်မှာပဲ ဆိုးယုတ်တဲ့ အကြံအစည်တွေရှိတဲ့ ပူဒီ (Puddy) လိုခေါ်တဲ့ ကြောင်စုတ်ကြီးနဲ့ ရင်ဆိုင်ရပါတော့တယ်။ စွမ်းအားရှင် ချာလီတစ်ယောက် သူ့ရဲ့သခင်လေးကို ကာကွယ်ရင်း ကြောင်စုတ်ပူဒီရဲ့ အကောက်ကြံမှုတွေကို ဘယ်လိုတွန်းလှန်မလဲဆိုတာ ပျော်ရွှင်စရာ မြင်တွေ့ရမှာ ဖြစ်ပါတယ်။